Green Grow the Rashes by Robert Burns

[orinocoflow]

Green Grow the Rashes

by Robert Burns.


Chorus
Green grow the rashes, O'
Green grow the rashes, O'
The sweetest hours that e'er I spent
Were spent among the lassies, O'

I

There's nought but care on ev'ry han',
In ev'ry hour that passes, O:
What signifies the life o' man,
An' twere na for the lasses, O.

II

The warly race may riches chase,
An' riches still may fly them, O;
An' tho' at last they catch them fast,
Their hearts can ne'er enjoy them, O.

III

But gie me a canny hour at e'en,
My arms about my Dearie, O;
An' warly cares, an' warly men,
May a' gae tapsalteerie, O!

IV

For you sae douse, ye sneer at this,
Ye're nought but senseless asses, O:
The wisest Man the warl' saw,
He dearly lov'd the lasses, O.

V

Auld Nature swears, the lovely Dears
Her noblest work she classes, O:
Her prentice han' she try'd on man,
An' then she made the lasses, O.



------------------
"When you collect the things that embody
strength for you,when you put them together,
when you open yourself to let each speak,
you will know something about the
sources of your strength." --Starhawk